PREMIO NACIONAL DE TEATRO

Chévere foi galardoado co 'Premio Nacional de Teatro' 2014 concedido polo Ministerio de Educación español. O xurado salientou a "coherente traxectoria de creación colectiva baseada en fontes de teatro documento e na transgresión de xéneros". 

Así mesmo, destacan a conexión das súas obras coa "realidade social e económica" galega e mesmo internacional, como reflicten Citizen, Eurozone ou Ultranoite no País dos Ananos. Neste senso, o xurado subliña "o achegamento" que desenvolveu Chévere "do teatro a distintos colectivos sociais e ao ámbito pedagóxico" pulando pola "participación cidadá". 

DÍA INTERNACIONAL CONTRA A VIOLENCIA DE XÉNERO



"A Escola non é un espazo neutral. Nela transmítense valores, modelos e esteriotipos, e convértese nun lugar ideal onde sementar a erradicación das desigualdades. De aí xorde a necesidade deste material didáctico, que pretende ser unha ferramenta para coeducar”.

 





PREMIOS DO CONCURSO DE DESEÑO

Os tres gañadores foron: Federico, Nerea e Verónica.

 

O primeiro premio gañouno Federico Valentín Pérez Freire de 4º ESO

 

O segundo premio gañouno Nerea Vale Santiago de 3º ESO

O terceiro premio gañouno Verónica Sebastianelli Díaz  de 1º ESO

 

 

Noraboa aos tres!

 

DÍA UNIVERSAL DO NENO

                   

Cada 20 de novembro desde hai 25 anos, celébrase o Día Universal do Neno, unha xornada que recorda os avances logrados no que respecta aos dereitos dos máis pequenos e que, ao mesmo tempo, chama a atención sobre a situación actual dos máis desfavorecidos.

A Convención sobre os Dereitos do Neno foi aprobada pola Asemblea Xeral de Nacións Unidas o 20 de novembro de 1989 e entrou en vigor un ano máis tarde, o 2 de setembro de 1990. O tratado, que recolle de forma oficial os dereitos da infancia, está composto por 54 artigos que, ademais, repasan as obrigacións de pais, profesores, profesionais da saúde e incluso dos propios nenos e nenas. O texto foi ratificado por 194 países que deben render contas ante un comité sobre os dereitos dos nenos.

CONCURSO DE DESEÑO

Estes son os deseños finalistas no concurso de camisetas e paraugas; quen gañará?

OVACIÓN PARA A ESMORGA NA SÚA ESTREA

A estrea oficial de A Esmorga, a película dirixida por Ignacio Vilar segundo a novela de Eduardo Blanco Amor, tivo lugar onte na gala inaugural do Festival Internacional de Ourense, na cidade na que está ambientada a narración, onde unha sala chea de público despediu cunha grande ovación o filme.

A adaptación cinematográfica da novela de Blanco Amor estrearase comercialmente o próximo 21 de novembro nas salas de toda Galiza.

O NOSO MAGOSTO E OS NOSOS XOGOS 

SOÑEMOS COMO GALEGOS! 

CRÓNICA DE FÚTBOL

C.D.Cariño 0-7 S.D.O Val

Partido complicado para os de Ortegal, que conseguiron aguantar con empate ata a metade da primeira parte, tempo no que o conxunto valexo rompe o empate e se adianta no marcador.

Tras isto o Cariño intentou sobrepoñerse ao golpe, algo que non conseguirían, debido a que os visitantes meteron tres goles máis antes de rematar esta parte.

Á volta dos vestiarios o partido seguiu igual, e os visitantes conseguiron ao longo da segunda parte os tres goles restantes.

Esta foi a última xornada da fase previa, na que o Cariño remata na sexta posición con 12 puntos e o que lle dá acceso ao grupo 2.

MAGOSTO

EU DIGO ... 

PREMIO NACIONAL DE TRADUCIÓN

A tradución ao galego do clásiso de James Joyce, Ulises, recibiu o Premio Nacional de Traducción que concede o Ministerio de Cultura. O traballo foi obra de María Alonso Seisdedos, Eva Almazán, Xavier Queipo e Antón Vialle.

V DÍA DA CIENCIA EN GALEGO

A xornada, que se celebra hoxe, homenaxea nesta ocasión a Isaac Newton e mais o matemático galego Xosé Rodríguez, e está dedicada ao dereito a gozar da física en galego.

Con motivo desta celebración o mércores 5 de novembro, a Coordinadora Galega de ENDL convida a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat.

CRÓNICA DE FÚTBOL

Narón Balompé Piñeiro "B" 1-6 CD Cariño

O partido tivo un comezo moi intenso, co gol no minuto 5 de Raúl por parte do Cariño, alegría que duraría pouco, xa que no seguinte minuto o Narón empataría o partido.

Tras isto houbo unha primeira parte pouco interesante, na que se rompería o empate ao bordo do descanso grazas a un gol en propia porta tras unha xogada individual de Cristian Fustes.

Tras o intermedio sería o conxunto visitante o que atacaría ao facer cambios no estilo de xogo, cambiando a táctica e cambiando xogadores.

Despois de diversas xogadas con perigo, sería o Cariño o que golpearía por partida dobre nos minutos 47 e 48, sentenciando o partido.

Máis adiante o conxunto visitante obtería dous goles máis grazas a Borja e Martín, establecendo o 1-6.

Tras isto o Cariño rematará esta fase na sexta posición, tendo ata agora 12 puntos, e o Narón colócase na última plaza.

A próxima semana o Cariño recibe ao conxunto valexo, situado na cuarta posición.