Páxinas

martes, 10 de xuño de 2014

OS MAIOS



O alumnado de 4º ESO fixo uns traballos documentados sobre a Festa dos Maios. Están elaborados en formato papel e en formato dixital; mostraremos os máis chamativos. Parabéns a todos!

domingo, 8 de xuño de 2014

OS PREMIOS XERAIS 2014

Dende o conflito é o título da novela de  María Reimóndez que o xurado escolleu para o Premio Xerais de Novela 2014. Con Escarlatina. A cociñeira defunta, Ledicia Costas fíxose co Merlín de literatura infantil e O Gran Reino valeulle a Eduardo Santiago o Jules Verne de literatura xuvenil. Os tres recibiron os premios no acto que se desenvolveu, como cada ano, na Illa de San Simón.

sábado, 7 de xuño de 2014

OS PREMIOS FREI MARTÍN SARMIENTO

A verdadeira historia da mosca da tele, de María Solar, e O neno can de Fina Casalderrey e Francisco Castro, foron dous dos libros triunfadores na gala celebrada este venres no Auditorio da Biblioteca da Cidade da Cultura, dos Premios Frei Martín Sarmiento 2014 que recoñecen, a xuízo dos alumnos e alumnas de Galicia, os mellores libros infantís e xuvenís publicados no último ano.

xoves, 5 de xuño de 2014

DÍA MUNDIAL DO MEDIO AMBIENTE 



Hoxe celebramos o día mundial do medio ambiente. Este ano o lema elexido para este día é «Alza a túa voz, non o nivel do mar»

mércores, 4 de xuño de 2014

JOHN BANVILLE, PREMIO PRÍNCIPE DE ASTURIAS DAS LETRAS 2014
O escritor irlandés John Banville foi galardoado hoxe en Oviedo co Premio Príncipe de Asturias das Letras 2014 ao que optaban vinte e catro candidaturas procedentes de catorce países. O xurado destacou a súa "intelixente, fonda e orixinal creación novelesca, e ao seu outro eu, Benjamin Black, autor de turbadoras e críticas novelas policiacas". Conclúe dicindo: "cada unha das súas creacións atrae e deleita pola mestría no desenvolvemento da trama e no dominio dos rexistros e matices expresivos, e pola súa reflexión sobre os segredos do corazón humano"

BO DÍA


martes, 3 de xuño de 2014

luns, 2 de xuño de 2014

OS DIPLOMÁTICOS DE MONTE ALTO



Os Diplomáticos de Monte Alto, celebran o XX aniversario do Bravú con este vídeo que amosa Vigo e A Coruña como unha única cidade.