PREMIOS  LOSADA DIÉGUEZ

 

                          



O premio Losada Diéguez 2015 correspondeu na modalidade de creación a Diego Ameixeiras por Conduce rápido e na de investigación a Ana Acuña por Conciencia política e literatura galega en Madrid (1950-2000). Diego Ameixeiras volve ser premiado por unha das súas novelas do xénero negro; mentres Ana Acuña ve recoñecida a súa investigación sobre os «madrigalegos terraferidos» e o seu rigor na elaboración dun traballo clave para entender a cultura galega na segunda metade do século XX.

DÍA INTERNACIONAL DO LIBRO

 

 

A orixe do día do libro remóntase a 1926. O 23 de abril de 1616 falecían CERVANTES e SHAKESPEARE, por este motivo, esta data foi a escollida pola comferencia xeral da UNESCO para render unha homenaxe mundial ao libro e os seus autores, e alentar a todos, a descubrir o pracer da lectura e respectar a insubstituíble contribución dos creadores ao progreso social e cultural. 



VISITA DE XAQUÍN MARÍN

Hoxe recibimos a visita do ilustrador Xaquín Marín; realizou unha actividade lúdica na que participaron os alumnos de 3º ESO, 4º ESO e Bacharelato. Ademais de facernos gozar cos seus debuxos, deleitounos con anécdotas da súa traxectoria vital e profesional.

DÍA INTERNACIONAL DO LIBRO INFANTIL

Dende 1967, o 2 de abril, coincidindo coa data do nacemento do escritor danés Hans Christian Andersen, o IBBY (Organización Internacional para o Libro Xuvenil) promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos.

Todos os anos unha Sección Nacional é a encargada de elaborar unha mensaxe para todos os nenos e nenas do mundo. En 2015 esta mensaxe chéganos dos Emiratos Árabes Unidos, da man da escritora emiratí Marwa Al Aqroubi e a ilustradora Nasism Abaeian.

VISITA Á CAPELA

O alumnado de 1º ESO visitou o Museo Etnográfico da Capela. Alí viaxamos no tempo e descubrimos como vivían os nosos antepasados; descubrimos apeiros de labranzas, distintos utensilios usados na vida doméstica: artesas, olas da nata, a roca e o fuso, a sella,…;e coñecemos os oficios máis tradicionais: zoqueiros, carpinteiros, xastres, cesteiros, …….

Despois de adquirir tantos coñecementos, fomos xogar cos nenos do CEIP Mosteiro de Caaveiro e amosáronos a súa colección de xoguetes africanos, entre outras cousas. Moitas grazas pola vosa atención.

MICROMACHISMOS

DÍA INTERNACIONAL DA MULLER