LECTURAS
PARA NADAL
xoves, 17 de decembro de 2015
IN MEMORIAM
Xosé Fernández Ferreiro (Espartedo, Nogueira de
Ramuín, 1931) morreu na noite de onte, na Coruña. Foi o autor da primeira
novela de vaqueiros en galego, A morte de
Frank González, ingresara na Real Academia Galega o 9 de marzo de 2013 con
un discurso titulado Breves reflexións
sobre os escritores e os xornalistas.
Exerceu o xornalismo nos principais medios galegos, xubilándose como redactor
de La Voz de Galicia, onde traballou durante vintecinco anos.
Ferreiro converteu en materia narrativa
o que aconteceu no ano trinta e seis e fíxoo cun feixe de novelas magníficas como Agosto
do 36; deixou, asemade, unhas crónicas espléndidas da súa vida e
experiencias en De Xente Nova a Brais
Pinto. Memorias dun afiador rebelde.
sábado, 14 de novembro de 2015
LEDICIA COSTAS RECIBE O PREMIO LAZARILLO
Onte
fallouse en Madrid, o Premio Lazarillo 2015, na súa modalidade de creación
literaria, convocado pola Organización Española para o Libro Infantil e Xuvenil
do que resultou gañadora Ledicia Costas coa
obra titulada Jules Verne e a vida
secreta das Femmes Plante.
O
xurado destacou da obra gañadora :"Unha novela ben escrita, cunha
narración fluída, unha estrutura moi ben conseguida e unha linguaxe literaria
sinxela pero elaborada, que combina con precisión elementos da realidade e
ficción e dándolle un aire de misterio que contribúe a facer moi emocionante a
súa lectura".
domingo, 8 de novembro de 2015
PREMIOS DA
CRÍTICA 2015
No Hotel Os Escudos de Vigo deuse a
coñecer o ditame da trixésima oitava edición dos Premios da Crítica 2015.
No que atinxe aos premios, os xurados das sete modalidades salientaron a
calidade e excelencia dos traballos de Agustín Fernández Paz, Xosé
Ramón Pena, Cineuropa,
Xaquín Marín, Guadi Galego, A
Panadaría Teatro e Miguel Vila «Colineta».
luns, 26 de outubro de 2015
CINEMA
luns, 5 de outubro de 2015
PREMIO NACIONAL
DE LITERATURA INFANTIL
Ledicia Costas
gañou o 'Premio Nacional de Literatura Infantil' concedido polo Ministerio de
Educación e Cultura do Goberno español. Fíxoo coa obra, Escarlatina, a cociñeira defunta.
Esta novela,
publicada por Xerais ao gañar o Premio Merlín de Literatura Infantil 2014,
recibiu xa outros importantes recoñecementos como a súa inclusión na Lista
de Honra do IBBY, o Premio Xosé Neira Vilas ao Mellor libro Infantil e
Xuvenil da Asociación Galega de Editores, os Premios Fervenzas
Literarias (votados polos internautas) ao Mellor libro infantil e Mellor
portada de LIX (Víctor Rivas).
sábado, 26 de setembro de 2015
luns, 8 de xuño de 2015
domingo, 7 de xuño de 2015
OS PREMIOS XERAIS 2015
De remate é o
título da novela de Héctor Cajaraville que o xurado escolleu para o Premio Xerais de Novela 2015. Con Nena e o mar, Érica Esmorís fíxose co Merlín de literatura
infantil e Europa Express valeulle a Andrea Maceiras o Jules Verne de literatura xuvenil. Os
tres recibiron os premios no acto que se desenvolveu, como cada ano, na Illa de
San Simón.
venres, 5 de xuño de 2015
CLUB DE LECTURA
Hoxe rematamos o clube de lectura
deste curso, gozando coa lectura e cun doce. O alumnado de 4º ESO participou
nesta actividade lendo o libro Tes ata as 10 de
Francisco Castro.
luns, 1 de xuño de 2015
DÍA DA CIENCIA EN GALICIA
A oceanógrafa Ángeles Alvariño protagoniza os actos do Día da Ciencia en Galicia. A Real Academia Galega de Ciencias coordina esta celebración,
coñecida antes como Día do Científico Galego. A homenaxe, que coincide co décimo aniversario do falecemento da
investigadora, foi aprobada unanimemente polos académicos a conta das
importantes contribucións da investigadora ferrolá ao coñecemento das especies
animais mariñas máis pequenas.
venres, 29 de maio de 2015
OS PREMIOS SAN
CLEMENTE
Os tres
escritores gañadores da vixésima edición do premio San Clemente, no que o
xurado o conforman alumnos de varios institutos galegos, foron: Joël Dicker, La verdad sobre el caso Harry Quebert; Juan
Gabriel Vásquez, Las reputaciones; Carlos G.
Reigosa; A Vitoria do perdedor; premiados nas categorías de lingua
estranxeira,española e galega, respectivamente.
martes, 19 de maio de 2015
venres, 15 de maio de 2015
domingo, 26 de abril de 2015
PREMIOS LOSADA DIÉGUEZ
O premio Losada Diéguez
2015 correspondeu na modalidade de creación a Diego Ameixeiras por Conduce rápido e na de
investigación a Ana Acuña
por Conciencia
política e literatura galega en Madrid (1950-2000). Diego
Ameixeiras volve ser premiado por unha das súas novelas do xénero negro;
mentres Ana Acuña ve recoñecida a súa investigación
sobre os «madrigalegos terraferidos» e o seu rigor na elaboración
dun traballo clave para entender a cultura galega na segunda metade do
século XX.
xoves, 23 de abril de 2015
DÍA
INTERNACIONAL DO LIBRO
A orixe do día do libro remóntase a
1926. O 23 de abril de 1616 falecían CERVANTES e SHAKESPEARE, por este motivo, esta data foi a escollida pola comferencia
xeral da UNESCO para render unha homenaxe mundial ao libro e os seus autores, e
alentar a todos, a descubrir o pracer da lectura e respectar a insubstituíble
contribución dos creadores ao progreso social e cultural.
