PREMIO TRASALBA 2014 

Agustín Fernández Paz será a personalidade da cultura galega homenaxeada na Festa Anual que organiza en Trasalba a Fundación Otero Pedrayo. O escritor recibirá o galardón na casa museo de Ramón Otero Pedrayo o próximo 29 de xuño mentres recibe os parabéns da súa nova novela, A viaxe de Gagarin. 

                       

O AMOR 'CELTA' DE ROSALÍA E MURGUÍA

En Galicia, aqueles que defenderon o país fixérono cos libros na man. Entre estas personalidades, escritores, bibliófilos, editores, figuran de maneira sobranceira Rosalía de Castro e Manuel Murguía. A historia da súa biblioteca é moi especial, polo que ten de construción e derrota, de amor e perda. Nese obradoiro ilustrado había un recanto decisivo: os libros do celtismo. E na súa correspondencia, algún íntimo segredo céltico.

DINAMIZACIÓN LINGÜÍSTICA

A Rede de Dinamización Lingüística, liderada pola Consellería de Cultura e Educación e da que forman parte máis de 150 entidades locais, pon en marcha a súa programación anual con dous obradoiros dirixidos a adolescentes. Trátase de actividades interactivas, que promoven a participación en galego dos asistentes, así como a reflexión sobre a lingua e o rexeitamento dos prexuízos que poidan inhibir o seu uso.

PREMIOS DA CRÍTICA 2014 EN LINGUA GALEGA

Anxos Sumai, coa súa obra narrativa A lúa da colleita, e Berta Dávila co poemario Raíz da fenda gañaron os Premios Nacionais de Crítica Literaria 2014 en lingua galega.

UN LIBRO E UNHA ROSA

    LIBROS, LIBROS, LIBROS, …

OS CHÍOS

A CRTVG para celebrar o Día do Libro e con tal motivo, xunto a Asociación de Escritoras e Escritores en Lingua Galega (AELG), a Asociación Galega do Libro Infantil e Xuvenil (Gálix) recomendan que todas aquelas persoas que queiran homenaxear dalgún xeito os libros en galego emitan os seus chíos en Twitter, co hashtag #EnGalegoLeo, entre as 12 do mediodía e as 2 da tarde.

LIBERACIÓN DE LIBROS 

 A liberación de libros en espazos públicos afiánzase como opción para a conmemorar a data  do Día do Libro. En Galicia participan nesta actividade, na que liberarán uns 2500 volumes: o Centro Galego de Arte Contemporánea (CGAC), o Museo Etnolóxico de Ribadavia, o Museo de Belas Artes da Coruña e o Museo das Peregrinacións e de Santiago.

FELIZ DÍA DO LIBRO

DÍA DA TERRA

            

O Día da Terra é unha festa para chamar a atención sobre a degradación dos recursos naturais e para poñer freo ás agresións sobre o planeta. Este ano, adícase especialmente á loita contra o Cambio Climático.

#ENGALEGOLEO

A CRTVG participa na campaña de animación á lectura xunto coa Asociación Galega do Libro Infantil e Xuvenil, (GALIX) máis a Asociación de Escritores e Escritoras en Lingua Galega (AELG) mais non é na pantalla da televisión onde se difundirán os contidos, será a través da súa páxina web e no seu twitter oficial. 

IN MEMORIAM

O escritor e xornalista colombiano falece en Cidade de México aos 87 anos, gañador do Nobel en 1982; foi o creador de obras clásicas como Cen anos de soidade, O amor nos tempos do cólera, O coronel non ten quen lle escriba, O outono do patriarca ou Crónica dunha morte anunciada. Foi un dos protagonistas da universalización do 'boom' da novela hispanoamericana. Estaba moi relacionado con Galiza: "a miña maneira de narrar é debida á maxia con que contaba as cousas a miña avoa galega". Esta é a confesión que máis dunha vez fixo Gabriel García Márquez.

VISITA DE ANTÓN RIVEIRO COELLO

Onte o alumnado de 3º ESO e 1º Bacharelato recibiu a visita de Antón Riveiro Coello.

OTERO

PREMIO IRMANDADE DO LIBRO

                        

 

O Premio Irmandade do Libro, que organiza a Federación de Libreiros de Galicia, concedéuselle ao mellor libro infantil e xuvenil do ano á triloxía Ámote Leo A., de Rosa Aneiros. A triloxía Ámote Leo A. está formada por tres novelas: Destino Xalundes, publicada no mes de outubro; Estación de Tránsito, publicada no mes de febreiro e Terminal de chegadas, que se publicará no mes de xuño.

"COSTA DA MORTE"

Lois Patiño gañou o premio ao mellor filme do Play-Doc con "Costa da Morte". O xurado destacou a coidada estética da obra, así como o valor do filme para a zona que retrata.

PREMIO IRMANDADE DO LIBRO

A Federación de Libreiros de Galicia outorgoulle a Chus Pato o premio Irmandade do Libro  á autora do ano na XXIII edición. O xurado recoñeceu "a súa impecable traxectoria literaria, a singularidade e calidade da súa obra poética, a súa proxección universal, as colaboracións en revistas especializadas, ademais do seu traballo en publicacións colectivas, charlas e conferencias". 

“UN PASO ADIANTE”

       

O IES de Elviña, A Coruña, é o gañador do concurso de vídeo do Correlingua 2014 con "un paso adiante". Parabéns!

DÍA INTERNACIONAL DO LIBRO INFANTIL

Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos. 

ZAPATIÑOS PARA DÍAZ CASTRO